8 жніўня 2025 года з 19.00 да 21.00 у Выставачных залах Музея гісторыі горада Мінска на вул. Ракаўскай, 17 адбудзецца танцавальна-музычнае мерапрыемства «ЖНІВЕНЬСКІ ВЕЧАР».
Запрашаем правесці жнівеньскі вечар у адметным будынку гістарычнага квартала Ракаўскае прадмесце, дзе ў пачатку ХХ стагоддзя знаходзілася танцавальная зала, святкаваліся вяселлі, ладзіліся вечарыны і танцы.
Вы пачуеце жніўныя песнi ў выкананні салістаў фолк-гурта «GUDA».
Амаль ніводнае беларускае свята не абыходзілася без гульняў і танцаў. Тут наведвальнікі вечарыны змогуць не толькі ўбачыць, як танцуе GUDA, але і навучыцца самім танцаваць «Польку-бабачку», «Весялуху», «Вішаньку» і шмат чаго яшчэ.
Гарманіст Уладзімір Ганчароў і капэла Алеся Лася падаруюць аўтэнтычныя беларускія мелодыі і гарантаваны добры настрой на супольных танцах.
Уваходны білет дае права наведвання экспазіцыі Выставачных залаў і выстаўкі «Гастранамічная культура Мінска. ХХ стагоддзе» да пачатку мерапрыемства.
Кошт білета: 20,00 рублёў.
вул. Ракаўская, 17
+375 17 270 43 66
